Komisioni për Punë të Jashtme dhe Diasporë i Kuvendit të Republikës së Kosovës, nën kryesimin e kryetares së Komisionit, Arbëreshë Kryeziu – Hyseni, takoi sot Komisionin për Punë të Jashtme të Parlamentit të Republikës së Finlandës.
Kryetarja e Komisionit, Kryezu – Hyseni, si dhe anëtarët e tjerë të komisionit, pasi e falënderuan delegacionin finlandez për vizitën, po ashtu, i përgëzuan ata për anëtarësimin e Finlandës në NATO.
Në vijim të takimit, u diskutua për një varg çështjesh me interes për të dyja vendet, ndërkaq, rëndësi e veçantë iu kushtua koordinimit sa më efikas, në mënyrë që Kosova të ketë sukses në kapërcimin e sfidave në rrugën e saj të integrimit.
Në emër të delegacionit finlandez, foli Kimmo Kiljunen, kryetar i Komisionit për Punë të Jashtme të Parlamentit të Republikës së Finlandës.
Lidhur me çështjet e ngritura gjatë takimit, Kiljunen u shpreh:” Finlanda mbështet perspektiven evropiane për Kosovën, dhe për këtë mbetet e angazhuar në mënyrë të vazhdueshme”.