Komisioni për Arsim, Shkencë, Teknologji, Inovacion, Kulturë, Rini dhe Sport vizitoi sot Autoritetin Kombëtar të Kualifikimeve, për t’u njoftuar për së afërmi me punën e këtij institucioni dhe sfidat me të cilat po ballafaqohen.
Në bashkëbisedim me udhëheqësinë e AKK-së, u diskutua për njohjen kombëtare dhe ndërkombëtare të kualifikimeve, akreditimin e institucioneve për vlerësimin e nxënësve dhe lëshimin e certifikatave për kualifikimet e validuara në KKK, monitorimin e cilësisë në shkollat publike profesionale dhe progresin për individ nëpërmjet njohjes së mësimit paraprak.
Nënkryetarja znj. Reshitaj, në emër të Komisionit, falënderoi për pritjen dhe diskutimin e hapur, dhe i inkurajoi që të vazhdojnë tutje punën e tyre, duke u premtuar njëherazi se kërkesat, sfidat dhe problemet e parashtruara në këto takime do të adresohen institucionalisht në kuadër të mandatit të Komisionit për Arsim, Shkencë, Teknologji, Inovacion, Kulturë, Rini dhe Sport.
_dzAwS8JBBv.jpg)
_6exzRAETFN.jpg)
