Komisioni Parlamentar për Ekonomi, Industri, Ndërmarrësi dhe Tregti, është në proces të rekrutimit të pozitave, drejtor Bordi në NP KOSTT, nga gjinia femërore dhe nga radhët e komuniteteve jo shumicë.
Ministria e Punëve të Brendshme, e ka shpallur konkursin në bazë të ligjit, më datën 28.09.2021 dhe është mbyllur më datën 27.10.2021, për pozitën drejtor të Bordit të NP KOSTT nga radhët e gjinisë femërore, ku kanë aplikuar katër (4) kandidate. Ndërsa, për pozitën drejtor të Bordit të NP KOSTT nga radhët e komuniteteve jo shumicë, konkursi është hapur më datë 12.10.2021 dhe është mbyllur më datë 10.11.2021, në të cilin kanë aplikuar gjashtë (6) kandidatë.
Njoftohen organizatat e Shoqërisë Civile, se më datë 30.11.2021, në orën 12:00, në sallën N-10, do të behët shqyrtimi i aplikacioneve për listën e ngushtë.
Andaj, ftohen organizatat e Shoqërisë Civile, ta përcjellin këtë proces të rekrutimit të këtyre pozitave, në veçanti organizatat që mbrojnë dhe promovojnë interesat e grave dhe minoriteteve.